2011年4月29日星期五

[2011.4.29] 分頻點的少少分享

好多時見到有網友問及到底分頻點應該校幾多先啱,今日同大家分享一下AnthonyAV AMP入嘅分頻點校嘅個人睇法。其實要知道分頻點應該校幾多先啱,有幾點我哋應該先了解:-

1)      作用
2)      器材效能
3)      個人口味

作用
先了解分頻點嘅功能係將7/5聲道中某特定頻段以下嘅聲音交由超低音處理,以減輕7/5聲道喇叭應付低音嘅壓力。對要求效能嘅低音或超低音頻段嚟講一般主動式嘅超低音喇叭係一個好好嘅幫手。當然超低音喇叭亦須要處理嘅低音音軌啦,所以一隻高效能嘅超低音喇叭可以有助整個系統嘅提昇。

7/5.1中嘅.1名為LFE(低音效果聲道),當中只包含120hz以下嘅聲音。而佢嘅分頻點一般會名為LPF of LFE(視符廠商),一般可調嘅頻段嘅係由80-120hz。同主聲道分頻點相反,LPF of LFE係將某特定頻段以上嘅聲音過濾或交由主聲道處理(視符廠商設定)

而調校分頻點嘅最終目的係希望主聲道7/5隻喇叭可以同超低音喇叭接軌,從而令各喇叭可以暢順地從播整個頻段唔會出玩段層。

器材效能
了解分頻點作用後就要了解器材,一般要考慮嘅有:-

1)      所聲道喇叭嘅有效頻段(frequency range)
2)      AV AMP/Power Amp嘅推力
3)      超低音喇叭嘅效能

每一隻喇叭都會有自己嘅有效頻段,例如Elac FS247嘅有效頻段係30hz-50khz,換句話說呢對喇叭係可以重播30hz-50khz頻段內嘅聲音,但要留意嘅係以上兩組數字係對喇叭嘅極限,雖然係可以出到呢個頻段,但一般喇叭去到最盡嘅頻段都會出現失真同衰減,越接近兩極數字,越覺失真同衰減。所以一般情況下唔會就咁跟喇叭嘅有效頻段咁校。以AnthonyFS247為例,就算佢係去到30hz咁低嘅頻段,但都唔會將前置嘅分頻點設為30hz,只係設到較高嘅頻段。

AV AMP/Power Amp嘅推力亦係考慮因素之一,因為一般合併式嘅AV AMP推力有限,對應付座地喇叭以輸出低頻會較吃力,所以一般會以80hz為中間點,用80hz係因為100hz以上嘅聲音開始出現方向性,如果將分頻點定得太高有機會出現超低音喇叭現形問題。如果有power amp幫助的話,可以嘗試設到較低嘅頻段,但因為上述所講嘅失真同衰減問題,即使有好大力嘅Power Amp一般都唔會用盡喇叭有效頻段。

超低音喇叭效能亦須要考慮,但較為次要。主要係考慮當AV AMP/Power Amp7/5聲道喇叭可以應該到較低嘅頻段時,相反地可以減輕超低音喇叭嘅工作壓力,令佢可以專心處理.1聲道。

個人口味
以上嘅都係較客觀嘅因素,用家嘅口味先係主要。一樣嘅器材配搭唔同嘅分頻點會有唔同效果。THX標準建議將所有聲道嘅分頻點設為80hz,但要留意THX標準對器材同環境都有一定嘅要求,而THX標準嘅7/5聲道喇叭一般為書架式,假如用家所用嘅左右主聲道為座地喇叭加上足夠推力嘅AV Amp/Power Amp,係可以將分頻點設得低一點從而得到更好效果。相反如果所用嘅係小形衛星喇叭,可能需要將分頻點定得比80hz更高。


只要用家多試多聽,唔好單看數字,Anthony相信每人都可以揾到自己嘅聲之道。


-全文完-

PS: 以上為Anthony個人嘅非專業分享,如有錯漏歡迎各界好友指正。

2011年4月26日星期二

[2011.4.19] 家訪Steven兄的絶配影音組合



從討論區上認識Steven兄已有一段時間,早前收到Steven兄嘅PM表示剛入手三菱HC4000投影機正式踏入全高清之路希望Anthony可以幫手做下調校。Anthony之前係試影會度試過部HC4000,以其價性比嚟講真係對一眾傳統LCD投影機構成一定壓力,始終DLP機喺線條嘅銳利度同黑位上都有一定嘅優勢,再以一萬頭嘅價錢就買到,呢部HC4000真係超值之選。

Steven兄嘅視聽環境係鑽石形廳大約一百呎相信各位都知要喺鑽石形廳玩影音玩得好一啲都唔係易事。Steven兄用嘅係5.1聲道,系統如下:-


LP : Clearaudio Champion
CAS: Transporter
BDP: Pioneer BDP-09FD
PRE: Krell HTS 7.1
2CH: Bryston C-4BSST
5CH: Linn AV5125
FRT: PMC LB1 signature
CTR: PMC TB2SM-C+
SUR: PMC DB1S+
SUB: PMC TLE1S
PWR: Shunyata Research Hydra 6


Projector: Mitsubishi HC4100










可以留意到Steven兄所用嘅件件都係精品,雖然Krell HTS 7.1為一部無HD解碼嘅AV AMP,不過由Pioneer BDP-09FD先行解碼再用同軸輸出LPCM到AV AMP,影像方面就由Pioneer用HDMI直接連接三菱HC4100投影機。而Power Amp方面亦來頭不少,Bryston C-4BBST推一對前置而 Linn AV5125推中後置。而喇叭更加係同Bryston絶配嘅PMC,全套5.1喇叭都係用上PMC,十分有型靚仔。

Anthony首次調校HC4100呢部機,發覺可調校嘅地方十分多,連Color Management中各色嘅飽和,色相同流明都可調校。當然大約用咗45分鐘完成調校。其實HC4100嘅預設已經好接近標準,只係稍為調一下色温就可以,唯一嘅係琭色有少少偏離,但問題不大。


Steven兄覺得調校完出嚟畫面比較淡,主要原因係Anthony將部HC4100嘅色域收細到HD709呢啲大細,所以會較之前淡色。但好處係可以還原Blu-ray碟中嘅顏色,呢個亦係調校畫面嘅原因。
調校完畫面,Steven就拎咗好幾雙Blu-ray試下聲,當中包括有:

1 Flight of the Phoenix
2. Ku Fu Panda


3. Mr. & Mrs. Smith


4. Celine Dion Les Vegas Live


5. 維也納2009演奏會






從setting上感到Steven並唔係一個低音狂,所以當晚完全無出完諧震問題。而Steven本身好多時都會去聽下不同嘅演奏會,所以對音色有一定嘅識認同要求。Anthony當晚分別試過由Pioneer BDP09FD做解碼同由Pioneer BDP09FD以bit-stream 方式輸出Dolby Digital同DTS畀Krell HTS7.1做解碼。Anthony就偏向由Krell做解碼嘅氣氛同動態,而Steven兄就喜愛由Pioneer做解碼嘅粒粒清HD音,其實各有各好。而由PMC出嚟嘅中高音密度好好。要係一個鑽石形廳玩到咁嘅效果都唔係一件易事。相信Steven兄都落咗唔少心血去做調音。

其實當晚重有一位Steven兄嘅兩聲道朋友,所以亦用Logitech Transporter播過幾首唱同音樂,試完之後Anthony都好想入返部。

最後要多謝Steven兄嘅邀請,等Anthony可以一試Krell HTS7.1配以Pioneer BDP09FD嘅威力。

-全文完-

2011年4月18日星期一

[2011.4.15]家訪初入毒海的Keith


相信好多朋友都會認同次世代遊戲機嘅出現的確令高影音巿場帶嚟唔少新血,Anthony都係因為由Xbox 360開始接觸影音。而今家訪主角Keith兄亦不例外,Keith兄同太太都喜愛打機消閒,剛剛由Sony 5.1套裝機大升級,正式步入影音毒海。早前收到Keith兄收到Keith兄嘅PM指因為啱啱接觸影音,加上身邊無玩影音嘅朋友,所以希望Anthony可以上門幫手為佢套系統調校一下。你要入毒海,Anthony一定好樂意幫你一把。先睇睇Keith兄嘅組合:-

TV:sharp 60LX710H
Front Speaker:Dali ikon 7 MK2
Center Speaker:Dali Ikon vokal 2 MK2
Surrond Speaker:wharfadale wh2 surround
Sub-woofer:infinity ps 212
Blu-ray Player:Philips 9600
AV AMP: Marantz SR7005
CD Player: NAD C515BEE
INT AMP: NAD C326BEE
2ch speaker: Sonus Faber Toy












除影音器材外,當然重有遊戲機啦。





各位應該見到Keith兄?系統係影音分家,AV同兩聲道係完全觸立的。影音分家可以就發燒友終極玩法,而Keith兄一開始玩就玩到咁終極?原來Keith兄跟本無諗過會玩添設影音系統,反而由細到大都有用mini HiFi去聽下歌咁。所以喺年頭設入一套兩聲道組合。後來Keith兄嘅朋友想添設一套影音系統,Keith兄就陪朋友行下影音鋪,試下不同嘅器材。就係咁Keith兄不自覺咁染上影音毒,一次過購入人生第一套影音組合。反而佢朋友因為正為結婚事宜忙過不停,遲遲未有入巿。就係呢個陰差陽錯,做就就Keith兄嘅終極玩法,真係錯有錯著。



Kieth兄同一般香港人一樣影音系統放置喺廳,而整個廳約二百呎,成打橫嘅長方形,影音系統放置喺廳嘅中間,格局同前早家訪嘅ki45兄十分相似。呢個擺法?好處係左右空間平衡,減少偏走一邊問題。

好嘞,今次家訪係做調校唔係睇示範單位,Anthony問Keith兄對聲定畫會較著重,重視邊樣就攪邊樣先,Keith兄竟然答50/50兩樣都重視。好,既然係咁就攪畫先。今次Anthony第一次對呢個牌子作調校重要係60吋添,真係又興奮又緊張。確保關掉所有嘅AV AMP同Blu-ray Player嘅畫面方面setting後,再用影院模式作配合AVSHD-709校機碟先作基本調校。一般大品牌嘅電視機本身嘅setting都唔會太偏離,只係一啲overscan嘅setting小問題,所以基本調校好快就做完。之後睇睇menu,呢部Sharp 60吋嘅電視機可作調校嘅進階項目好多,除一般色温同RGB Levels外,連色彩管理中都可對六色分別作飽和、色調同流明度獨立調校,喺電視機中甚至投影機中都少有。


對住呢部價值不菲嘅電視機Anthony都唔敢自己係幕屏放置Colorimeter,只係請機主代放。先用0-100%IRE嘅Pattern度一度灰階同色域先,發覺色温偏高而RGB Levels中藍色較多,到正式著手用80% IRE用RGB Gain為高光灰階調教時發覺就算將B gain減盡同R gain加盡,都未能夠達到D65水平。唔緊要,用20%IRE攪埋低光先,可惜情況一樣,盡管Anthony將R offset加盡同B offset減盡都重有藍多紅少嘅問題,但睇睇pattern已經有明顯偏紅問題。即係數據上同實際有所偏差。



呢個時候,Anthony記起前年有幸同datacolor (Spyder TVColor Facts廠商)嘅工程師Sam哥有一席話,當時Anthony曾經問過Sam哥為何用Colorimeterdisplay量度時有時會出現數據達標準個實際畫面怪異情況。Sam哥解釋除一般Colorimeter嘅準確性外,有時display廠商用自家嘅技術去開家display而令某顏色更為閱目,但一般Colorimeter未必可以量度得到從呢啲特別技術開發出嚟嘅顏色。Sam哥更指以當時出嘅ColorimeterLED TV嘅量度亦可能會出現偏差(當時巿場上只有三兩LED TV)。當時Sam哥講咗好多專業嘅名稱解釋點解會出現偏差,可惜嘅係對Anthony嚟講真係太深奧,Anthony連一個字都唔明(苦笑)。的確,連畫面調校軟件大哥Cal Man喺早前亦特別為LED TV設計出新version嘅調校軟件。

既然係咁,Anthony只好放棄用colorimeter去為部Sharp調校灰階,改用一個由0-255灰階嘅pattern加肉眼去調校,以確保灰階中無出現其他顏色。亦因為colorimeter出現偏差,Anthony亦唔對色彩管理作任何改勳。

校完畫面後,Anthony建議播雙Ku Fu Panda試試畫面,揀選大豹逃獄一段。畫面上呢部Sharp 60吋電視配以Philips 9600出嚟嘅效果真係唔錯,立體感十足,雜訊控制力強。


聲放面近期大熱嘅Marantz SR7005配以Dila Ikon系列真係好出色,分晰力高,夠埋身而力感亦好好。以一部合併AV AMP嚟講真係可謂交足功課有餘。呢部可以話係Marantz省招牌之作。Infinity sub-woofer亦有驚喜,速度好而震感力十足。不過播到炸山洞一段,地板震得好利害,而窗門同廚房嘅假天花均出現諧震。好….先停停,睇下聲嘅setting先。


進入Marantz SR7005setting check,先睇睇各speaker嘅大少,crossover同增益等。見到MarantzKeith兄一對前置定為Large,其他speakerssmall。的確以箱體大小嚟計Dali Ikon 7 MK2 當然可以set做大音箱。但如果咁set的話7.1聲道中嘅左右聲道內嘅所有訊號均會由前置處理。處理中高頻當然無問題啦,但處理低頻嚟講對一部合併AV AMP嚟講可能有點苛刻,就算處理到效果亦未必好。

Anthony做家訪一般好少會著手做聲音上嘅調校,因為聲音比畫面更具個人口味,而Anthonysetting亦未必啱屋主口味。所以一般Anthony只會講講自己嘅聽後感而少有落手做調校。

不過既然今次有做聲音上嘅setting,就著墨多少少順便講講Anthony setting上嘅方法同理由。

先講講Anthony一般會用AV AMP內嘅auto setting做一次set up先, 之後會將所有EQ 同一啲Audyssey 音效管理off咗佢。原因Anthony用過RoomEQOnkyo NR906輸出嘅音效做過量度,覺發用Auto Set Up由所聲道輸出嘅低頻至高頻嘅數據係最為平直,但實際睇戲時,不論迅變,分晰力,音色都係最差。所以Anthony一般唔會用EQ或者Audyssey呢類功能。今次亦不例外。

而所speakers嘅距離會依Auto Set Up量度出嚟嘅數據,因為呢係由AV AMP量度出嚟嘅聽覺距離係包括一啲肉眼見唔到嘅因素,如因空間中由物件發出嘅反射聲。所以同目視距離可能會有分別。而呢個setting Anthony亦無作出改動。

speakers crossover frequency會視情況而定,就以今次為例。AV AMP將前置crossover設為Full Band,中置為60hz,後置為80hzLFE120hzSet crossover frequency時除要參考speakersresponse frequency range外亦考慮到AV AMP嘅推力。以Keith兄現時嘅器材Anthony會建議用以下嘅crossover:

L/R: 60hzC:80hzSurround L/R: 100hzLFE :120hz

Setting crossover後就到sound levelsKeithAnthony表示當做完第二次Auto Set Up後發覺要將總音量開到好大先聽得清楚。其實只要知道音量運作嘅原理就會發覺Master Volume嘅數字係無乜意思。先了解sound levels嘅用途先,呢個功能係希望將AV AMP對不同效能嘅speakers輸出嘅音壓調到一致。而THX嘅指引係將所有嘅speakers校致75dB呢個水平為之達標準。

AV書籍所知,dolby labsreference 音壓為105dB,而一般AV AMPpink noisedolby labsreference值減30dB,所以得出75dB(105dB – 30dB)呢個數值。將所有speakers校至同一音壓係因為唔希望各聲道音壓不一問題,所以是否75dB呢個已經唔重要。

另一方面要知道Master Volume控制入電量,而Sound Levels係控制訊號放大,如果將Sound Levels收至好細,令訊號微弱,只係不停加大Master Volume係只會大聲。相反將訊號加得太大會有機會出現失真同拆聲。如果訊號強弱恰當,係動態,音色,力感及細節等都會有較好嘅表現。

而一般以香港一般家居環境,加上用玩選用嘅AV AMPSpeakers嘅質素。喺由Auto Set Up情況下,要各聲道達75dB呢個標準,一般sound levels都會減幾個dB或以上。呢個同空間,AV AMP嘅推力都有關係。

所以Anthony一般會用另一個方法去set Sound levels。方法十分簡單,先將中置sound levels調至+/- 0 dB呢個水平,再用音壓計量度由中置輸出嘅音壓,最後以中置輸出嘅音壓為基準去調校其他channel。咁點解係+/- 0dB?點解要用中置係reference唔用前置,唔用後置?+/- 0dB係因為呢個數值係較為中性,而中置係單一喇叭,唔會出現左右喇叭大細聲而唔知跟左定右好嘅問題,而影片中70%音效嚟自中置channel,所以用中置為reference較為好啲。而用以上方法為Keith兄調校Sound Levels得出以下數值(Sound Levels 值為80dB):

C: +/- 0dBL/R : + 0.5dBSL: +1.5dBSR: +3.5BSW: -12dB

Sub-woofer?低頻多少真係好個人,有啲朋友喜愛大大力打心口,有啲朋友喜愛少少地震吓sofa。而Anthony一般set 低頻嘅準則係以最少反效果下得到最大震撼為目標。可謂反效果呢,如:因箱體限制而令單元拍邊、因某頻段出現嘅諧震同最緊要嘅鄰居投訴。

而為求刺激,好多時都會不自覺地咁不停加大sub-woofer音壓。所以Anthony一般會由最少做起。Anthony會先將sub-wooferSound levels同其他channel睇整為起點,再以家居環境同個人口味再微調。以Anthony為例,因家居環境同鄰居嘅忍耐力指數,Anthonysub-wooferSound levels係比其他channel7dB(Cary Cinema 11Apink noise 計算)。

以上面嘅方法為Keith兄套器材作調校後得出包括sub-woofer嘅所有channelsSound Levels80dB


之後再用Ku Fu Panda同一段試,雖然低頻無之前咁多咁重,但諧震已經比之前少。Keith兄就表示人聲比之前清晰,亦聽得更多細節。高清音效主要係比之前dolbyDTS年代載有更多細節,但如果某一channel音壓過大或家居出現嘅諧震會遮蓋咗呢啲細節。而以上嘅方法係盡量set至平衡以避免細節被遮蓋嘅情況出現。當然,AV AMPBlu-ray PlayerSpeakers嘅級數亦有關係。

之後再試埋Iron Man 2,奸角用電鞭襲擊主角嘅賽車時十分震撼,而包圍感做得好好。由電鞭發出嘅電聲亦十分清晰。不過低頻震撼得嚟嘅結果係地下震得十分利害。Anthony建議Keith兄係Sub-woofer下加塊黑麻石減震,因為咁震法擔心Keith兄樓下個單位好快會投訴,投訴得第一次就好快有第二次,到時好似Anthony咁下下都怕投訴而唔敢開大聲就無癮啦。


今次只係為Keith兄將系統set至起點,往後個人口味嘅微調就要靠Keith兄自己,始終呢個係Keith兄嘅家庭影院,要點set當然係由屋主去決定。Anthony只係將所知嘅標準同理論同Keith兄分享,有咗呢呢基礎概念後,向自己口味方向行就易得多。



當晚尾聲Keith兄亦用佢嘅2 channel system播下歌仔畀Anthony聽,由NAD一套西裝推Sonus Faber Toy書架喇叭,人聲好好聽,音樂感亦比AV AMP好上太多,唯獨由書架喇叭輸出嘅低頻較座地為少。Anthony建議如果NADInt AmpAV by pass嘅,不妨試下用佢嚟推對Dali Ikon 7 MKII


最後好多謝Keith兄嘅邀請,當晚少少時間嘅晚餐完全感覺到Keith太對Keith兄玩影音嘅支持,呢點至係家庭影音嘅真正用處,一家大細開開心心欣賞電影幾咁開心。當晚打攪咗Keith媽同Keith太一晚講聲唔好意思。



-全文完-

PS 以上為Anthony非專業的分享,如有任何錯漏歡迎各方高手指正,謝謝!

都係要加返隻二手Entreq Silver Tellus地盒

自己套系統一路都無乜落任何補品,只有一隻Lightspeed HT1 MKII,啲電源線都只係黑雞,訊號線都只係Gotham 11301,因為希望留力升級硬件。唯獨有一個 配件一定要加,就係地盒,而且係越大越好,當年喺Kenneth兄幫手下造咗一隻100磅重嘅地盒,效果真係好驚人...