原來Soundtrack可以咁過癮: Pirates of the Caribbean on Stranger Tides

十幾年前Anthony都有輔買Soundtrack癮，不過當時係以港產片多，如新不了情，晚九朝五同天若有情等等..等等....但後來無聽歌，CD掉下一隻唔見下又一隻，到今日只剩返隻周末狂熱重保留喺屋企。

Anthony早前睇咗套暑假大片Pirates of the Caribbean on Stranger Tides，如果講影片本身，就唔係啱口味，但就戲中嘅配樂就十分吸引Anthony。呢套戲嘅配樂十分有氣勢，而且高低起伏十分大。咁啱今日行開CD Warehouse見到呢套戲嘅Soundtrack見唔係太貴就入返隻。

返到屋企急及待開嚟聽下。嘩!真係好堅，啲迅變好快，動態好大，同本時Anthony聽開比較平靜嘅Jazz Pop同口水歌好唔同，又另有一番韻味。嚟緊都會多啲留下啲Soundtrack。

不過呢啲咁激昂嘅音樂就唔係好啱瞓覺前聽，一來都轟得幾利害怕太夜聽會被人投訴，二來瞓覺前都係啱啲輕鬆啲嘅歌會好瞓啲。

PS:好似無出家報告咁，其實Anthony今個月都做咗兩次家訪，但唔知點解拎嗮相機同閃光燈，竟然做家訪時唔記得影相，真係抵打。希望下次唔好咁大頭蝦。