影音新手網 AVNewbie.com: [2011.6.1]再訪Sing1357兄追求音準的組合

大概喺上年12月尾Anthony曾到訪過一位網友Sing1357兄詳情請點閱http://chhanthony.blogspot.com/2011/03/2010-12-23sing.html。記得家訪後無耐就收到Sing兄短訊表示剛剛將Sunfire HRS10 sub-woofer upgrade到Velodyne SPL1000，重請Anthony重次上去家訪。時間過得好快，時間過得真係快眨下眼距離上次家訪已經係6月個前嘅事，而Anthony再次受Sing兄邀請做家訪時，Sing兄嘅器材已經係面目全非了。

睇睇Sing兄 upgrade咗啲咩器材，AV擴音機Sing兄依然係用上分晰力見稱嘅Pioneer LX82。

為加強推力，Sing兄添置咗部Proceed AMP3 嘅三聲道後級擴音機取代之前較入門嘅Adcom GF7400，呢部Proceed AMP3後級每聲道可以輸出150w推力，應付一般家庭影院喇叭當然不作問題啦。現時呢部Proceed AMP3後級擴音機就負責推前中置喇叭。

而Blu-ray Player方面，Sing兄亦購入近來大熱嘅Marantz UD8004以取替Oppo BDP83。上幾次家訪中Anthony都見識呢部Marantz UD8004嘅高質素表現，難怪貨尾都被搶購一空。

一直喜愛音準嘅Sing兄就將M&K LCR750嘅前中置別只更換成更高階嘅Dynaudio Contour 9系S1.4同SC。其實Sing兄係先購入SC中置，之後同Anthony閒談中重表示前置唔會咁快換，誰不知未夠一個星期又收到Sing兄短訊話已經換埋前置，可想而知呢隻嚟自Dynaudio嘅威力。

而用作後置喇叭嘅Mirage OS3繼續服役，如果皇帝位貼牆Mirage獨特嘅360度發聲高音的確可以形造到好好嘅包圍感，其他品牌未必做得咁好。

超低音喇叭就係上述提到嘅Velodyne SPL1000，唔好睇少SPL1000只有10吋嘅單元，爆起上嚟一樣起勁，而佢更有不同記憶可配會睇戲或聽歌之用。

除Blu-ray Player，後級擴音機同前中置喇叭外，Sing兄更因去得家訪多而傷患上大近視，所以購入JVC HD350配以OS Pure Matt II Plus70吋睇大畫面。上次家訪報告中已經講過Anthony係十分喜愛JVC呢個牌子嘅投影機，而配上OS Pure Matt II Plus亦絶對係正路不過嘅組合。Sing兄向Anthony表示因為OS 70吋幕要訂，所以佢等咗好耐先可以正式出到大畫面。可以享受咁好嘅畫面質素，等下都無所謂啦。

Sing兄嘅視聽範圍約80-90呎成橫向長方形，皇帝位牆後將離幕約9呎，左右前置距離有約8呎闊微微toe-in。而Sing兄屋企樓底十分高，後置喇叭放於耳仔水平約4至5呎。超低音喇叭放置於右前置側斜斜向住皇帝位。總括嚟講Sing兄嘅視聽環境雖然唔算好大，但勝在左右前置喇叭擺位有一定距離，可以做到唔嘅音場闊度。

而家訪當日除咗Anthony外重有是嗎兄，Sing兄得悉是嗎兄現正物色喇叭，所以打算用套新喇叭毒一毒佢。Sing兄早前向Anthony表示今次家訪只係聽下睇下嘢，而唔需要作任何調校，所以今次坐定定聽下嘢影下相就可以。

今次試咗張敬軒 Unplug 第一章演唱會，Chris Botti演奏會，林子祥演唱會，David Foster & Friend Hit Man演唱會，Ku-Fu Panda，The Incredible。

Sing兄表示從M&K LCR750 upgrade到Dynaudio嘅S1.4前置同 S C中置喺取向上都係以音準為先，但高中低三頻上均有不少嘅提昇。感覺上一對Dynaudio S1.4中下路密度十足，加埋中置用上Proceed AMP3去推，速度十分快。記得Ku Fu Panda中師父搶包一下速度感好利害，而David Foster演唱會I’m Feeling good頭段亦顯出驚人嘅迅變。

可能多得Marantz UD8004 Blu-ray同Pioneer LX82嘅高分晰力，睇演唱會時樂器嘅分離度好高，每一種樂器都好清晰。而睇戲時聽得到好多細微嘅聲，例如睇The Incredible森林追遂一段由飛碟飛行時所發出嘅聲音唔會被低頻聲蓋過。

而Anthony就最欣賞整套系統嘅低頻表現，例如睇演唱會時可以清楚聽到係由低音大提琴或Bass結他奏演時由弦所發出嚟嘅聲音，而唔係一舊超低音喇叭聲。多得Velodyne多重嘅記憶，睇演唱會可以用較柔嘅設定，到睇戲Sing兄可以用另一個較刺激嘅設定。的確家訪當日睇戲時有十分唔錯嘅中低頻表現，雖然SLP1000嘅下潛力唔及得一啲12吋嘅超低音喇叭，但亦做到唔算嘅震撼力。而亦多得10吋嘅單元，可以做到快放快收嘅效果。

睇戲時中置人聲十分特出，Sing兄表示因為佢將中置音壓加大1dB，而之前用紫銅喇叭蕉有加強喉底聲，但係會令到把聲太緊唔夠鬆，影響立體感，睇演唱會既時候會好覺，所以盡量攞個平衝。

畫面方面JVC HD350配以OS Pure Matt II Plus嘅表現已經不用懷疑，而用上Marantz UD8004作訊源就更加完美。不過家訪當日未有時間設定下一直用上720 60P，所以未能真真正正享受到上述組合嘅威力。

到聽歌表現，一直聽聞Dynaudio中低密度高而且十分爆得，同品牌中嘅C3書架喇叭更被稱為擁有超越座地喇叭嘅低頻。Anthony當然要試試，先用出名低頻誇張嘅胡林Jazz Them Up中“我是不是該安靜的走開”試下對S1.4有幾勁。以Marantz UD8004經HDMI至Pioneer LX82以direct輸出，喺無超低音喇叭嘅幫助下，一對S.14同樣可以輸出十分強勁嘅低頻，每一下弦都十分有力度，人聲同樂器分離度好好。

最後用2010原音精選第14曲目嘅 Baba Yaga, Great Gate at Kiev考下S1.4嘅下潛力，S1.4重現大鼓嘅氣勢做得幾好，以一對書架喇叭嚟講可謂交足200%嘅功課，而亦動態十足。總括嚟講聽音樂嘅表現勁度十足，不過可能對S1.4重係好新聲音有點緊同硬，相信再經一段時間去煲練後表現一定更上一層樓。