[2010-12-13]三槍一代宗師-光師父

如果喺香港玩三槍投影機嘅朋友，一定會識光師父。
呢位大師父幫無數三槍友安裝及調校三槍投影機多年。
喺網友Kenny兄的紹介下筆者有幸同鐵心心兄一同拜訪到呢一位專業影像高手。
光師父嘅私人影院係位於長沙灣某一工廠大廈內。無錯，光師父同好多發燒友一樣，
家庭影院玩到終極就係另置一個地方擺放影音。
同光師父食過飯後就由佢嘅引領下去到光師父嘅私人影院。
一入單立先見到一個二百呎嘅工作室，放滿好多DIY工具，玩具模型等，
當中見到一對大喇叭，經光師父介紹得知呢對原來係一代名器B&W嘅808
 


之後由大門入到影音，真係要嘩一聲叫出嚟。筆者見到嘅並唔係一個家庭影院，如果喺香港呢個彈元之地，
光師父呢個應該叫係小型影院先啱。
先見到一幅由光師父用石膏板同乳膠潻精心打做嘅130"梗幕，可隨意變做2.35:1同16:9幕嘅
左手面有一大排嘅器材，前級，後級，電子分音，均衡器等等。據光師父講所有聲道嘅高音同低音都係用獨立一個power amp channel去推，加埋有22個channel。







筆者覺得最有心思都係呢個remote牆

再望望，除左出面對808除，間影音室重有對B&W 801，同好多大大小小嘅器材，真係一地都係。筆者直情覺得去咗影音展咁。





另外有部用嚟唱卡拉OK嘅單槍投影機

幾個睇戲時用嘅channel，隻隻嘅低音單元都有15"，高音全部用Horn，慕求達到真正嘅戲院效果





先講講畫先，第一次接觸三槍嘅筆者真係睇到目定口呆，呢部Sony G90當年賣四十多萬嘅三搶出嚟嘅密度，對比，立體感同真實感，現時嘅單槍機真係做唔到，睇完三槍睇單槍真係覺得好似睇緊嘅啲假嘢咁。
唯一可以挑剔嘅只有係輸出嘅光度，對於睇開1200流明嘅筆者當睇只有250流明嘅G90時會覺得有點兒失色，好似燈胆唔夠力咁，
但呢個情況只係喺睇戲時某嘅場情出現，但睇演唱會就完全無呢個問題出現。





多謝光師父今次嘅招待，令筆者明白點解到現時重有咁多朋友留戀三槍機，雖然價錢貴，體積大，維修亦麻煩，現時重要停產埋。
但三槍嘅質素係現時單槍做唔到，可惜現代社會上質素永遠比方便打敗，睇下LP到CD到CAS就知。
光師父向筆者表示"好多三槍用家當日安時係由佢去裝，到而家要拆都係由佢去拆，真係有少少感慨!"
好多謝Kenny兄嘅介紹筆者認識到呢位無架子，好人，願意分享心得嘅光師父，用一代宗師去形容光師父真係無誇張。

全文完-
PS:真係要諗諗買部好啲嘅相機去做家訪，次次都影到pat屎咁。