鐵心心兄的私房影音

早幾日上咗另一個網友度家訪，呢位網友係某網上影音網站嘅版主，曾經分享過唔少調校心得同測試報告，而近來愛上摩機嘅佢，下至喇叭上至Plasma都摩過。明符其實係一個摩王。佢個名叫鐵心心。
 器材
 先睇下心心兄嘅器材先
TV：PIONEER 428XG KURO PLASMA  [已摩純銀電源接線，古河鍍金IEC座，電源接線已加磁環，內部已加磨沙紙]
MON：ACER W222 22吋 LCDMON
BDP：PIONEER 05FD BDP [TAOC 25釘腳][已摩純銀電源接線，古河鍍金AC]
STB：MTV 3000 機頂盒
GAME PLAY：XBOX360 、PLAYSTATION3
AMP：PIONEER SC-LX71 ELITIE版 [已摩純銀電源接線，OYAIDE 鍍銀+姥IEC座]
前置POWER AMP：1) [正在修理中的]PARASOUND HCA-1000 [已摩單支銅接線，古河鍍金AC，已換所有Fuse]
2) MARANTZ PM8001
中置POWER AMP：Marantz M500 [已改IEC尾]
SUBWOOFER：1) M&K KX12 [已摩古河鍍金AC，已換Fuse] 2) YAMAHA SW-80
喇叭：
前置 -- M&K LCR-750 THX [已摩改Tara lab 8N銅接線]
中置 -- M&K LCR-750 THX [已摩改Tara lab 8N銅接線]
後置 -- M&K SURT-26

電源：
Oyaide MTB-6美式拖板 
1000W SUPER 110V變壓牛
牆電：Wattgate 381
MK 美式

配件：
Solidsteel 5.3
Solidsteel SL6 喇叭腳

TV色彩校正器：
SPYDER 3TV
 


 


心水清嘅朋友睇睇上面個list可能會知道心心兄係Pioneer嘅忠實fans，的確心心兄一向對高分析力嘅器材情有獨鍾，而Pioneer呢個品牌嘅特性正正符合心心兄嘅要求，所以由AV Processor, Blu-ray Player到Plamsa都係用上Pioneer。

環境

先講講心心兄嘅視聽環境先，心心兄可以聲得上一個環境鬥士，因為佢嘅影音室正正係佢嘅睡房，而房間面積約有70呎左右，放上一張上下格牀後，剩低唔係太多嘅空間攞放影音器材。
 而歡賞電影同聽音樂時就需要貼牆坐喺牀上，距離約6呎左右。呢個距離睇42吋電視自覺啱啱好。不過由於頭頂係上格牀嘅底部，小不免有少少壓迫感。

音樂
 心心兄最近添置咗一個Marantz PM8001嘅合併amp用嚟聽歌，而speaker心心兄用上嘅係M&K LCR750。相信絶大多數嘅朋友都會認為M&K呢類嘅monitor speaker只啱睇戲而唔太適合聽歌之用，一般都會粗聲同乾。

一連聽咗大約一個鐘頭嘅歌同音樂，以一個唔係好識聽音樂嘅筆者嚟講，心心兄呢個組合畀到筆者驚喜。雖然音場唔算太闊，但定位幾好，低頻力感雖不如座地speaker咁有力，但一啲如大提琴嘅聲音都表現得唔錯，聲底屬於厚暖。可能同心心兄摩過M&K嘅內接線有關。要挑剔嘅只可以話聲音未夠幼細，同如果弦聲嘅彈跳力同立體感可以再好啲就好。不過如果睇返以現時嘅聆聽環境同組合其實已經做得好好，以上都係雞蛋中挑骨頭的說話。

演唱會/電影音效表現
 聽完音樂就睇下演唱會，先試嘅係張敬軒廣州嘅演唱會內幾首歌有，可能係會場嘅關係呢個演唱會嘅錄音好特別，會比較Hall feel一啲。喺心心兄度聽整體嘅氣氛幾好，而會場內嘅回音效果亦做得唔錯。
 跟住就再試Robert William演唱會，一連試咗幾首唱，感覺上同睇張敬軒時差唔多，演唱會氣氛濃厚，感染力亦好好。






睇完兩個演唱會都有個感覺得，sub-woofer set得唔錯。好多時睇演唱會都會出現一啲sub-woofer過大而蓋過其他聲嘅情況出現，但心心兄set得剛好，有氣氛得嚟又唔會太過。但好多時當演唱會set得個sub-woofer好時，到睇戲又會覺得唔夠喉，心心兄會set成點呢? 呢個時候心心兄好似知道我諗乜咁，喺佢嘅blu-ray收藏中拎隻Iron Man 2出嚟，如果各位有睇過呢套戲嘅都應該知道呢隻Iron Man 2對sub-woofer嘅setting有一定嘅考驗，好多時如果set到過火會出現拍邊，但set得太細尾段敵人同主角喺天空追遂嘅聲效會唔夠刺激。

先試嘅係賽車場一段，賽車去到隧道中包圍感做得唔錯，有如自己置身於隧道中。
 

到大奸角手持電鞭出場，每一下攻擊都好有刺激感，低頻嘅包圍感亦好好，配角同女主角坐喺車入面嗰幕會感到引擎發出嘅低頻而令到筆者有如身處車中一樣。

 

到尾段大戰，主配角同各機械人天空追遂時噴射器發出嘅低頻量感好好，收放亦自如，兩隻sub-woofer嘅配合得好好。






筆者覺得心心兄環境上先天嘅缺憾亦係優點，上文提及過頭頂上正正是上格牀嘅底部，亦因為咁好多音效會困住嘅呢個空間，而牀下嘅櫃桶中嘅空間有如Grand Cinema凳低sub-woofer嘅效果，可以唔需要將sub-woofer開得好大但亦可做到震撼效果。心心兄向筆者表示之前曾經將sub-woofer單元向正自己(即牀下)，但因註波問題而令低音混淆亦出現Blooming情況，後來將sub-woofer單元向房門，問題得以解決。
 


心心兄嘅system喺睇戲時都達到高水平，但同聽歌時一樣聲音稍為平面一點音場集中於前方未夠立體。心心兄表示原來之前嘅setting係比現時埋身好多，但壓迫呢太大。所以佢將speaker同sub-woofer距離調遠而令空間感上昇，的確佢成功做到呢一點，雖然距離近但未有出現太大嘅壓迫感，有時調音係要有取捨。

另一問題係出現於某一頻段中出現唔清晰(矇)嘅情況，同心心兄提及喺男聲中有啲好似矇聲嘅問題，心心兄表示可能係佢喺Pioneer入面將某段頻段嘅EQ調低同啱啱摩咗blu-ray player入面嘅電容有關，佢會執執個EQ。筆者相信以心心兄嘅功力一定可以處理好呢個問題。

畫面表現

相信識認心心兄嘅朋友都知道佢係一個畫面嘅調教高手，一直心心兄都對畫面調教都好有心得，由心心兄調校出嚟嘅Pioneer Plasma畫面的確好了得。畫面銳利度同立體感都好好，而色顏亦好自然，黑位暗位亦處理得好好，唯獨是因為距離問題會見到晶格，但呢啲都唔太影響觀感。

總結鐵心心兄嘅system不論喺影畫上都有高質素嘅表現，喺細空間都可以做個呢個效果真係唔易。心心兄最後向筆者表示希望日後可以租個地方專玩影音，相信成事的話效果一定好好，真叫人期待。

好快又到九點幾筆者又係時候交人，好多謝心心兄嘅款待，當晚同心心兄有唔少嘅交流令筆者學到唔少有關EQ調音嘅技巧，過咗一個開心嘅晚上。
 
 -全文完-
PS: 由於筆者只用傻瓜機，所以相片質素較差，多多包涵。