失望的日本遊

今個星二夜晚返到香港.....回想今次日本之旅真係有O的貼錢買爛受嘅感覺....太多因素令到呢次旅行唔多愉快....好似全程落兩....團餐難食...日日要晨早起身....加上有一樣O野真係講都無人信...我地遇到O的日本人嘅態度奇差...唔係O的服務員又或者係O的sales....而係O係路上或者O係JR上遇到嘅途人....佢地總係畀我一O的睇你唔起嘅感覺!!!不過都算啦....都返到嚟香港喇!!!
第三日嘅行程去富士急遊樂場....一向怕死嘅我當然唔敢玩O的機動遊戲啦....O係場外見到一個好大嘅紙牌...寫住....全球第一隻1:1大嘅高逹展出...而展出日期為2007年7月預定....唉...真係好失望!
第四日嘅行程係海洋迪士尼...佢係一O的好歐陸色嘅建築...我自己就好鍾意...覺得好鬼靚!!但因為要趕住下午出涉谷同原宿...所以都唔係停留O左好耐...最好笑嘅莫過於租O左一架電動車畀外母揸..佢不知幾開心!
第四日下午一家大細自己坐JR去涉區...唔問路都唔知真係有90%以上嘅日本人嘅英文差得咁交關...我都已經屎O架啦...嘩!佢地真係連O的英文單字都唔得!!!好彩遇到個鬼佬....如果唔係第一次坐JR真係好易迷路!!
涉區畀我嘅感覺就好似旺角咁...O的日本妹個個O的化粧同衣著都好似濱(其)步咁!...而個地區好雜...我重見到O的O架仔隨街揾AV女郞添!!班女士行完日本最yeah嘅109商場..話同旺角中心無乜分別...重要貴O的!!所以都係空手而回!!而我自己一個四圍行...除O左O係一間好大(成四層咁大)嘅波鞋鋪I度揾到一O的絶版鞋外都無乜收獲!!!而O的絶版鞋又同香港嘅炒價差不多....所以都無買到...費事拎!!都係留彈藥去原宿買Levis同Ape把啦!!
由涉區坐一個站JR就到原宿!!!因為之前無做過任何research..連地圖同O的鋪頭地址都無print 出嚟...所以要自己揾...經過一輪行行坐坐...最後都揾到裏原宿嘅地點....但係就揾極都揾唔到Levis 同 Ape嘅專門店...反而其他品牌就大把!!到最後因為大家都肚餓同怕趕唔到尾班JR而放棄O左揾!! 都係今次旅行嘅第二大失望...都怪自己一O的reserch都唔做!!! 後嚟返到香港發覺Levis LVCO係日本買大約平$600!!!唉!!
到最後我自己就一樣O野都買唔到...連我老婆都係買唔到O野!!!真係講都無人信...去日本會空手而回...重要係東京五天購物團添!!!
吸取上次希臘之旅嘅經驗....今次去到邊都盡量係咁影相......但係因為今次唔係好多景點...加上主要O係市區...同埋好多時都落住兩.....所以都唔係有好多靚相....就算係影到富士山...都因為天陰陰...影出嚟都係好暗!!等我整理好先uploadO的相上嚟(都唔知整乜!!)