2011年3月16日星期三

[2010-12-30] Civic兄的獨立毒氣室



早前從討論區得悉Civic兄部投影機Sony HW15嘅黑畫面中出現白點問題,當時以為部機有事,但請來Sony嘅維修師父上門睇過話部機無問題,後來話可能係自己唔識調校所致。所以筆者就好唐突地主動聯絡Civic兄話希望可以到佢府上作畫面調教,當然筆者一直都係以義務性質,從來都無收過一分一毫。後來收到Civic兄嘅回覆希望可以早啲到佢家中作畫調教。就係咁,呢次就成為筆者2010年嘅家訪最後一擊。

Civic兄玩影音嘅地方唔係好大好大,大約一百五十呎左右,但最重要嘅係一間獨立影音房。嘩呢個係好多影音玩家嘅夢想,試問有邊個玩影音唔希望可以有間房日爆夜爆而又唔會影響到屋企人吖。

而系統方面Civic兄係影音分家(真係幸褔),音方面係金仔加Pro-A,而影方面就用上Oppo 83以同軸到EAD前後級再出喇叭。





當然調校都可以話十分順利,而效果亦相當唔錯,唯一又係唔可以將個Gamma校到2.2真係唔明。








聲方面,雖然EAD未有HD解碼,但出嚟嘅效果相當唔錯,特別係佢低頻嘅控制力相當好。





之後一齊試咗好幾套機,Civic兄對筆者表示畫面喺調校後有明顯嘅提昇,筆者當然好開心啦,因為幫用家改善系統效果得到嘅成功感並唔係用金錢可以買到。





最後多謝Civic兄嘅信任,畀筆者上門作畫面調校。

PS 終於可以唔駛用DC做家訪,第一次用DSLR影相未係好習慣,所以有好多幅都用auto先,希望下次可以影得好啲。



-全文完-

沒有留言:

發佈留言

應Hiendy的邀請為Optoma UHD51作評測

AVNewbie.com有幸接受香港知名影音俱樂部 Hiendy 的百事佬邀請為Optoma UHD51作評測,這次評測用了超過12個鐘的時間,為各模式作出測試並為用家推薦設定參數,詳情請留意 Hiendy 的報導。 測量器材 Software: CalM...