Heyman兄提供的firewire小秘技

噚晚去位網友Heyman兄屋企家訪，呢位玩CAS嘅網友分享咗一個提昇音質嘅小秘技畀筆者，雖然筆者無玩呢類玩意，但即管係度分享下。
有玩開firewire嘅朋友可以試下用膠紙或絶綠體將firewire行電嗰一個接觸位封住(Heyman兄話1394唔駛用電)，之後再用好多層嘅銅紙包住條線後再加網。網友分享道呢個方法可以令背景靜好多。佢自己試過將一條$50嘅firewire用呢個方法揪低佢條Siltech，但當然佢將條Siltech用同一方法處理後，已大幅拋離條$50條啦。

改善與否筆者無法引正，筆者只係提供網友分享，有錯唔好打頭。
另外請各位大佬玩前自己衡量風險。
題外話，噚晚家訪位Heyman兄係用一層700呎嘅獨立單位嚟玩影音，真係堅到無論，而因為噚晚主要目的係調校部Benq W20000，所以未能好好咁去欣賞一吓Heyman兄套好嘢，簡報隨後會出。