2010.9.21 拎去代理整, 話我過O左保養, 叫我放低話一星期後會報價
一星期後無消息, 打去追, 話主板死O左要訂, 無報價
第二個星期, 打去話塊板要下星期初先到, 大約要整一個星期, 未知幾錢
第三個星期, 打去都係話塊板未到, 唔知幾時有
我話不如你畀個offer我, 我補錢換其他機啦
過幾日Benq有位許小姐打畀我, offer我$4500換部W6000跟一年保養畀我
後來又話係Demo機, 但會係新燈胆, 我話要兩年保養
佢第二日覆我要$5000, 自問對Benq嘅畫質好滿意, 又無錢換新機
唯有再上賊船, 我今日再三同許小姐講, 我話一定要係新胆,
我重話新胆O岩O岩用時係會有O的燒著O野嘅味
我一定分到, 許小姐再三confirm我話一定係新胆
我重要同佢講因為我唔得閒自己去佢度拎機
要我老婆代收, 而佢係唔識check機
我話如果部機拎返嚟真係有問題係唔係一換一先
許小姐答我話唔清楚, OK算, 無機用真係唔掂
拿拿聲拎返嚟先算
2010.10.15代理開機畀我老婆睇時, 無乜特別問題
跟住由我帶部機返屋企, 途中無任何碰撞
好開心一返到去開機, 無問題
但我一按menu鍵, 就出現問題, 只出到黑白色,而個畫面係好似fax過十幾次O的質素咁
畫面不停咁閃, 由藍閃去黑白
even唔駁任何訊號(HDMI)只駁電源線情況都係一樣,
而不論用用搖控操作定係機身操作,
反應都奇慢, 應該話係無反應
用O左我三個星期時間, call 車來來回回加$5000,
換部咁嘅機畀我, 真係火都嚟
我相信佢唔會特登畀我壞機我, 但Benq嘅QC同服務真係差到無人有
重有, 我都幾肯定個燈胆唔係新, 只係O係個機度reset過時間
我由2008年4月開始用Benq W5000, 期間整O左6次, 換O左一次機
計計埋埋起碼有兩三個月無機用, Benq真係不知所謂
我對佢地真係好失望
沒有留言:
發佈留言